Idol

Idol,

sa buong buhay ko lagi kitang tinitingila. ang lakas mo kasi, walang makabara sayo
ang talino mo lahat ng maabutan mong problema nalulutasan mo...pero kung hindi man nalulusutan mo
pinapanuod kita. lagi akong natutuwa at natatawa sa mga pinag gagawa mo

nasabi ko ng i want to be like you
a person who tries everything, knows have to fun, knowledgeable, knows what to say, wise, family person, at higit sa lahat ang iyong pagiging strong.

Idol, ang galing galing mo. kaya ng makita kita nakahilata sa kwartong yun nanghina ako.
Hindi ko alam gagawin ko, ayoko maawa kasi alam ko kaya mo! malakas loob ko na dadating ang susunod mong episode.
Strong ka!! strong din kami. strong din ako...para sayo.

Wag kang bibigay agad, lumaban ka. Dont give up easily, we're no quitters. we always give up a good fight.
pinapanuod pa rin kita. aabangan kita.

- fan

__________________
ang hirap hirap makita ang idol mo na nahihirapan. buong buhay mong tiningala, tinamaan lang ng ligaw na bala, nanghina na. pero hindi magbabago ang tingin ko sakanya, kasi ang mga idol kelangan din magpahinga. onting pahinga lang yan idol!!

Pag-tao nga naman ang idol mo...

Masarap kang magmahal

Labi mo't labi ko'y nagdidikit
Hawak ang katawan mo ako'y nanginginig
Iisa ang nilalaman ng ating dibdib
Parehong nilalanghap na hangin

Ikaw ang hanap sa araw at gabi
Dating mo ay nakakahumali
Sa haplos mo dahan dahan akong namamatay
Wala akong kalabanlaban, walang kamalaymalay

Bakit sa bawat kanto ng buhay, dumarating ka?
Nakakabaliw ka, tama na
Gusto kong tapusin na ito
Ayokong dumepende sa iyo...

Masarap kang magmahal
Pero ako'y nasasakal
Nahihirapan, nanghihina
Ikaw ang nagiisang dahilan

Gusto kita pero di mahal
Masaya akong nakilala ka
Hanggang dun na lang aking makakaya
Wag mo na sana akong akitin pa...

UPOS

sindi. may simula ang lahat. ang patikim na magpapalibog na gustuhin pa ito, gumagapang na apoy na lalagablab sa iyong puso. aakitin ka’t di mo mamalayang nabibighani ka na, may ngiti na patagong papaslit sa iyong mukha. inaasamasam, nanabik. susubukan mong abutin, makahawak man lang. simula na ito.

hithit. buo ang loob mo, binitawan ang mundo sa iyong paligid. tungkol sayo, storya mo. desisyon mo, according to you ang lahat. may ngitng di mapinta ang saya, parte na siya ng iyong sistema. eto na yung gusto mo. iisa kayo. yakap yakap ang sandaling ito. gusto mo pa sanang patagalin, pero di ka na makahinga.

buga. eto ang mundo mo, binalik ka sa realidad. titignan ang upos ng yosi na kinalat mo. ngingit at masasabi sa sarili "tapos na"

nakita ko ang yosi, at ang mga nagyoyosi. ang bawat stick na maubos ay parang bawat sandali na pahinga na magkaroon ako. maikli. bubunot pa ng isa pang stick, nakakatakam dba? gusto ko yon, gusto ko makasama ang pahinga. desisyon ko naman kung magpapahinga ako eh, nasa akin yun. pahinga. dito ka muna. kaso pag tumagal, nababagot ako. maypagka workaholic ako. at ayun babalik ako sa realidad.

nakakapagod mabuhay pero we still choose to live because there is so much more to do, to experience, to have and meet. Nakakapagod, pagod ako. oo, pero di ko pa rin mapakita. Lagi akong on the go, hyper, people see me play and goof around. I am actually pero may ginagawa ako. ang pagiging hyper ako ay isang wall na tinayo ko para matago ang pagod na nararamdaman ko. pahinga, pahinga ang salitang dapat ibalik sa vocabulary ko.

pahinga – maikling oras na nakalaan para makahinga ka. inhale exhale. tapos balik trabaho na.

*magsusulat pa ako tungkol sa yosi. Di pa dito nagtatapos